Home » » CHIFU BIRINGI AJITOSA UENYEKITI CHADEMA DODOMA

CHIFU BIRINGI AJITOSA UENYEKITI CHADEMA DODOMA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
 
DIWANI wa Chama cha Demokrasia na Maendeleo (CHADEMA), Kata ya Makulu, Wilaya ya  Dodoma Mjini, Chifu Ally Biringi, amejitosa kuchukua fomu kuwania uenyekiti wa chama hicho Mkoa wa Dodoma.
Akizungumza na Tanzania Daima jana, Biringi alithibitisha kuchukua fomu ya kuwania nafasi hiyo, na kwamba ameamua awatumikie wananchi katika nafasi hiyo ili kuongeza nguvu ya CHADEMA na idadi ya viongozi wa chama hicho mkoani Dodoma.
CHADEMA kipo kwenye mchakato wa kufanya chaguzi ndani ya chama chake tangu ngazi ya Msingi hadi Taifa, ambako Biringi anadai anataka kutimiza haki yake ya msingi ya Katiba ya chama chake.
“Baada ya Chama kunipa uzoefu wa udiwani katika vikao mbalimbali vya CHADEMA na Serikali kwenye Baraza la Madiwani la Halmashauri ya Manispaa ya Dodoma, nimebaini mahali pa kuwapatia wananchi haki yao inayoporwa, ni kupitia tiketi ya CHADEMA pekee…
“Naomba nafasi hiyo ili niwe na nafasi ya ngazi ya juu ili nipambane na kile kinachorudisha nyuma maendeleo ya kisiasa, kiuchumi na kijamii, ili kuwakomboa watanzania katika manyanyaso na dhuluma wanazofanyiwa wananchi na baadhi ya watawala,” alisema Biringi.
Biringi aliongeza kuwa, mbali ya kuhakikisha anaongeza idadi ya madiwani mkoani Dodoma, atashirikiana na uongozi wa CHADEMA ngazi zote hadi Taifa, ili kuhakikisha kinashika dola mwaka 2015.
Mkoa wa Dodoma, licha ya kuwa na viongozi wachache wa kiserikali katika vitongoji, vijiji na kata, wilaya, mkoa na taifa, una madiwani watatu wa CHADEMA katika Kata za Dodoma Makulu (Biringi), Ipara (Hamis Mailey), na Iyumbu (Hezron Kudugwa)
Chanzo;Tanzania Daima

0 comments:

 
Supported by Tone Multimedia Company Limited
Copyright © 2012. Dodoma Yetu - All Rights Reserved
Designed by Fredy Tony Njeje
Proudly powered by Blogs za Mikoa